Cerita Kimaragang

E Kara om E Sada
Waro iso ot puun do kayu tagayo sid tombing dot waeg. Siri no ot tinggalon dit Kara. Sid waeg nopo diri nga waro songinan ot Sada tagayo. Mangakan nopo it kara dit tuwa di kayu om waro ot oliwan, iri no ot akanon di sada. Tikid tadau iri no ot awayan dit koposian di kara om e sada. Ong mangakan it kara, e sada nga kakan e. Lelaed miambabaya nono e kara om e sada. It gama di kara om e sada miambabaya banar ko awasi, ong kakan it kara e sada nga kakan e. Ong sumakit it kara, e sada ot mogium dot tubat, ugu diri e ong it sada ot sumakit.Insan tadau sinumakit it sawo dit sada. osusa it ginawo dit sada om siti silo nono mogium dot tubat. Amu nogi tiakan it sawo di sada, ogumu no ot minaan dit sada anuwo ot taakanon nga amu e minangakan it sawo dau."oi raraha nunu ma ot keginan nu mangakan?" ka di sada mogoduat dit sawo dau. Nga amu e sinumimbar it sawo di sada.It kara nopo nga sinumusa it ginawo dau ti alead no dot amu nakasambat di sada. Waro no sominggu dot amu nokopisambat yaalo. "nunu ma ot masalah di ambaya diri" ka di kara sid saralom ginawo dau.It sada nopo nga kakal e sumusa it ginawo tu amu mangakan it sawo dau. It sawo nopo di sada nga amu sumimbar dot duaton di sada."tiakan oku dit tundu-undu di tambabaya nu e kara" milom minomoros it sawo dit sada. Banar ko nokotigog it kara dit nokorongu dit boros d sawo dau."ong amu oku kakan dit tundu-undu di kara, matai oku dati" ka di sawo dau mamajal di sada supaya manganu dit tundu-undu di kara. Osusa it ginawo di sada tu ong amu oturutan it kaginan dit sawo dau, rumosi dot matai atau eduanan yalo di sawo dau. Ong maya dit koginawaan di sawo nga memang dot terpaksa dot patayon dialo it tambabaya dau. It sodoi diri, amu nokodop it sada tu momikir dit masalah diri. Susuvab nopo, minogoi no e sada sid puun di kayu om lo'wo no di sada it kara. Otomon it ginawo di kara sira dot nokito dialo it tambabaya dau."nunu ot masalah nu oi ambaya tu alead ko amu ku nasambat?. Banar no ko lumagad oku dika" ka di kara."waro sabat ot masalah ku sid walai. Nga biano engin oku dot maya ko dogon sid walai tu tisambat it sawo ku dika" boros di sada."aso e ot masalah dino, yoku nga tisambat e dit sawo nu tu engin oku kumanal dit sawo nu" simbar di kara. Otomon it ginawo di kara tu nojumput mongoi sid walai di tambabaya dau."ong ka dino, sako siti solot ku" ka di sada. Sako no e kara sid solot di sada. Nokopintangah sid saralom dit liwotung. Boroso no di sada it niat dau sabanar dit manganu di tundu-undu di kara tu tiakan it sawo dau. Nokotigog i kara, amu dilo nasangka dot iri ot tomodon di sada dot mangagat dilo mongoi sid walai."hiyaaaa...nokuro tu amu oku dika peloho lebih awal. Nunu poh nokogol ku it tundu-undu ko sid kayu. Amu ku nowit biano. Nga awasi dati ong gumuli kito poh tu manganu oku di tundu-undu ku" ka di kara. Norongu nopo dit sada e boros di kara, ginumuli no."bah, indudai oku e siti tu mindakod oku poh silo kayu manganu dit tundu-undu ku" boros di kara sira nakalaga sid puun di kayu. Endakod no e kara."oi amabaya, mikimaap oku dika tu minaan ku ikau wudutai, sabanar nopo it tundu-undu ku sid saralom diti koyuwan ku. Nga aku nasangka dot kasanggup ko dot menonipu dogon. panantaman ku nopo tambabaya ko dit awasi. Tumimpuaan tadau biano, noputus no it piambabayaan kito" boros di kara. Antad tadau diri amu nono e sada om e kara miambabaya sampai tadau diti.Iri no e tangon di kara om sada.PengajaranTambabaya dit awasi osusa dot yumoon. Waro e ot mokiambabaya nga waro ot tujuan dau. Kada do melayu kawan ketawa senang dicari, kawan menangis sukar dicari....