Cerita Kimaragang2

Tangon pasal di Laki
Waro kaka ilo, waro iso tulun nagaran nopo nga e laki. Nagaran nopo sawo di Laki nga E Godu. Insan tadau minamanu e Laki om E Godu moni'yud sada sid bawang. Nakalaga kaka e Laki om e Godu sid iso ot livotung dit aralom.Nokokito e Godu dot ra'ngalau (Rambutan ka sid boros Melayu), raragang no it ra'ngalau dot naansak no. Tiakan kaka e Godu dit ra'ngalou diri om enaan suwo E laki dot manganu. Nga panantaman nopo di laki sid saralom dit livotung it ra'ngalau. Tuun no e Laki sid livotung, nga sabat poh om nolosod.Ka di Godu kuma sid di Laki, it ra'ngalau diri okon ko sid saralom di livotung nga sid tisan di bawang. Nunu it nokoto di laki nopo nga id sangai di ra'ngalau sid livotung. Intangai nopo di Laki id puun di ra'ngalau diri nga amu kokikiro dot mindakod.Pagakah om tiakan no e Godu, e Godu ot minindakod dit ra'ngalau. Nokopintanga nogi e Godu sid puun di ra'ngalau om tinggaa no e laki nga nokitanan di laki dot kiraha sid puun di poho di Godu."endo oi Godu tu nopilat ko" kaa di Laki. Enindo no e Godu om enuli no e laki om e Godu sid walai. Banar ko osusa it ginawo di laki tu panantaman nopo nopilat e Godu dagaan dot mindakod dit puun di ra'ngalau. Siti silo nopo e Laki mogium dot totopis ponopis dit pilat di Godu sid pialatan dit poho. Nga topisan di Laki om mogidu it totopis kaka ilo.Ongoi no e Laki sid walai di koruang doho om pocoritao no it masalah dau. Ka nopo di koruang di Laki nga adapat e dot mogubat. Piwaya no e Laki om it koruang doho muli sid walai.'ong yoku ot mogubat ako obuli dot mogintong, mosti dot sid soliwan ko diti lamin" ka di koruang di laki. soliwan no e Laki om 'ubatai' no dit koruang di Laki e Godu kaka ilo. Oguyu nopo it walai daagan di koruang di Laki 'mogubat' di Godu."hai, buli tahan yalo mogubat" ka di Laki. Waro ot satangah jam om nopongo nogi it koruang di Laki 'mogubat' di Godu. Kouli nopo it koruang di Laki, enaan no duato di Laki e Godu dit gama mogubat. Potuduko no di Godu it gama pogubat diri."bah, yoku poh ot mogubat dika" ka di Laki kumaa sid di Godu. Nokotiim poh e Laki dot awasi e bala ot mogubat dit pilat diri, naa amu no dot tiap-tiap jam e laki mogubat. Amu poh ensan e Laki 'mogubat' di Godu kaka dilo, iri nogi om nalaan di Laki it gama mogubat."manyasal oku no dot antad e kopisasawo okoi di Godu, amu ku insan ubatai e Godu. Osiyuk bah ot mogubat" kada di Laki sid saralom ginawo.Cerita ini hiburan semata-mata. Tiada kaitan dengan sesiapa. Torima kasih.