Cerita Kimaragang3

Iso Tanak

Id zaman kodori, waro kaka songulun ot tanak ngaran nopo nga e tasi-asi. Mina'an dot tulun pomuranganan di tasi-asi tu aso ot tama, tidi om tongo tompinae. Aso ot tulun momoduli di tasi-asi. Aso ot walai di tasi-asi. Dumarun nopo nga simindung sid puun do kayu om sid gowuton ot tinggalon. Ong tadau kaka dilo, e tasi-asi mo'muu dot tinoripan kulit dot bayag om tampasuk sid susuut di tongotulun. Nga okon ko osianan it tulun di tasi-asi mangan dogi sungkadai dot tandus.
Tu amu no e tasi-asi katahan dit gama dit tongotulun, pamanau no yalo ponong sid kosilaon om miningkoyod sid tisan dot bawang dit ogumu ot paku (pakis). Iri no ot taakanon dit tasi-asi nikid tadau.
Insan timpu, dinumarun dot asapu, onom tadau kaka ilo dot asapu ot darun. Tadau poh di koturu om linumaga no ot liyud dit agayo. Karasak nopo it liyud, agayo ot kawasan it nolootan. Aso ot sakot om kayu tu naajangan dit liyud. Nokoring sabat it loot di liyud, pamanau no e tasi-asi sid disaan dit bawang om nokokito it tasi-asi dot songinan ot togilai. E togilai diri noowit liyud mantad sid sarayoo.
Tonomo no di tasi-asi it togilai sid tana di nolootan dit liyud. Om iri no ot jagaon di tasi-asi samapi dot nakadat dot tasil. sotiap toon nga mananom it tasi-asi dot togilai sampai dot ogumu ot lagkaw noponu dot togilai.
Insan toon, amu nojodian it tongotulun sid pomogunan diri dot tinanom tu anaru it musim magadau. Monongwitil it tongotulun. Ponibakoon e ot cerita kaka dilo, sid tasi-asi poh ot tampat dit tongotulun dot momoli kaakanan. Kinumayaa it tasi-asi kaka dilo.
Pengajaran dit tangon
1. Amu obuli dot mongirarat dot tulun, isai nopo tu waro e ot timpu dot sumuku tokou sid tulun diri.
2. operlu tokou dot sumimban. Simbanan tokou it pongitungan om it gama tokou berusaha. Kada do melayu om 'perlu reformasi mindah dan sikap'
Sebenarnya tangon ini panjang tapi saya ringkaskan untuk tatapan saudara/i. Sebenarnya dusun Kimaragan di kawasan Tandek sangat kaya dengan kesenian. Contohnya banyak cerita-cerita rakyat yang mempunyai mesej yang mendalam.